लिभिङ टुगेदरको कथामा आधारित चलचित्र 'के यो माया हो'

लिभिङ टुगेदरको कथामा आधारित चलचित्र 'के यो माया हो' को बिग सिनेमामा रेड कार्पेट प्रिमियर गरिने भएको छ । खासगरि हिन्दी चलचित्र मात्र चलाउने बिग सिनेमामा नै चलचित्र 'के यो माया हो' प्रदर्शन हुन लाग्नु अनि त्यहि हलमा प्रिमियर हुन लाग्नु चलचित्रकर्मीहरुको लागि पक्कै खुशिको कुरा हो ।

सुदर्शन थापाले निर्देशन गरेको यो चलचित्रको प्रिमियरमा सहभागी हुन चलचित्रकर्मी तथा पत्रकारहरुलाई निम्ता पठाई सकेको पब्लिसिटी डिजाइनर श्याम अर्यालले जनाएका छन् । शुक्रबारबाट देशभर एकसाथ प्रदर्शनमा आउन लागेको यो चलचित्रको बितरण काठमाडौमा सुनिल मानन्धर र काठमाण्डौ बाहिर सुनिल राठीले गरेका छन् । यस भन्दा अघि मानन्धरले बितरण गरेको चलचित्र 'सासन' धम्की दिएर भए पनि बिग सिनेमामा चलाएको हल्ला चलिरहँदा यो चलचित्रले भने सहजै प्रदर्शन पाउन लागेको हो ।

अरुणिमा लम्साल, शुष्मा कार्की, सौगात मल्ल, आर्यन सिग्देल अभिनित यो चलचित्रबाट अहिले धेरैले आशा गरिरहेका छन् । शहरमा मौलाउदै गएको लिभिङ टुगेदरको कथा समेटिएको भनिएको यो चलचित्र जस्तै नेपाली दर्शकहरुले यस अघि केही चलचित्रबाट स्तरियताको आशा गरे पनि हात्ति आयो हात्ति आयो फुस्सा भन्दा जस्तै भएको थियो । यस कारण धेरैले धेरै आशा गरेको चलचित्र 'के यो माया हो' ले भने दर्शकलाई निरासा पार्ने छैन । हाम्रो शुभकामना !