चलचित्र प्रमोशनका लागी रोज पोखरामा

निर्माताबाट नायक बनेका रोज राणा रिलिजको क्रममा रहेको चलचित्र 'म छु नि तिम्रो' को प्रमोशनका लागी पोखरा पुगेका छन् । तीजको अवसर पारेर पोखरा पुगेका रोजले त्यहाँ रहँदा रिलिजको क्रममा रहेको चलचित्र 'म छु नि तिम्रो' को प्रमोशन गर्ने बताए । बुधबार बिहानैबाट सञ्चारकर्मीसँग भेटघाट भैरहेको बताउदै रोजले उनीहरूकै सल्लाह सुझाबका आधारमा पोखराको लागी प्रचारलाई तिब्र पार्ने बताए । कार्तिक पहिलो सातालाई प्रदर्शनको मिती तय गरेका कारण अब प्रचारलाई तिब्रता दिने रोजले बताए ।

काठमाण्डौ बाहिर चलचित्र 'म छु नि तिम्रो'  को प्रचार कार्यलाई पोखराबाट सुरु गरेको बताउदै रोजले अन्य स्थानमा पनि प्रमोशनका लागी जाने बताएका छन् । यस अघिका आफ्ना हरेक चलचित्रमा पोखरेलीहरुको ठुलो साथ र सहयोग रहेको स्मरण गर्दै रोजले त्यहि कारण यसपटक पहिलो प्रमोशनल टुर पोखराबाट थालनी गरेको बताए ।

मिल्यो भने प्रमोशनको लागी केही क्याम्पेनिङ गर्ने नत्र अहिले पत्रकारहरुसंग मात्र अनौपचारिक छलफल गर्ने रोजको भनाई छ । मदन घिमिरेको निर्देशनमा तयार भएको चलचित्रमा रोजका अलावा, सौजन्य सुब्बा, आयुष रिजाल लगायतका कलाकारहरुको प्रमुख भुमिका रहेको छ । मौनता श्रेष्ठको लेखन र एनबि महर्जनको द्धन्द्ध रहेको चलचित्रमा चेतन सापकोटा र बसन्त सापकोटाको संगीत रहेको छ ।